Ракометарката на Кристијансанд и норвешката репрезентативка Хајди Локе, наскоро ќе оди на операција на носот.
Таа заработи скршеница на носот на натпреварот против Данска од СП во Јапонија во дуелот со Лоте Григел, но и покрај тоа беше активна на терените.
„Мојот нос повеќе личи на усна хармоника. Имам шест скршеници, коската ми е изместена. Кога спијам, морам да дишам преку уста и не можам така да продолжам. Ако имаше Олимпијада ова лето, ќе почекав, но сега нема смисла и ќе одам на операција“, изјави Локе за норвешката „ТВ2“.
По операцијата, Локе би требало да се врати на терените по неколку недели и да биде подготвена за новата сезона.
ПОВРЗАНИ ВЕСТИ
