Екипата на Хипо дојде до титулата во Купот на Австрија, но до неа стигна многу потешко од очекувањата бидејќи во финалето го совлада тимот на Агерсдорф со 27:25.
Противникот беше во предност од 12:9 на полувреме, но во вториот дел составот на Хипо успеа да надомести и да го сврти резултатот во своја полза.
Ова е вкупно 30. титула за ракометарките на Хипо, но тоа не е веќе така застрашувачки состав како некогаш. Повеќе немадоминација, а тоа ни од далеку не е истит тим кој во минатото беше најомразениот или најжестокиот ривал на Кометал Ѓорче Петров во Лигата на шампионите.
Добро е познато дека после финалето со Хипо и ударот над Гунар Прокоп во СРЦ „Кале“, Македонија беше под едногодишна меѓународна суспензија и во 2000/01 ниту еден тим не играше во европските купови, а репрезентациите натпреварите како домаќини ги играа надвор од Македонија.
ПОВРЗАНИ ВЕСТИ
