Многу голови во Леон и висок пораз за Металург

Составот на Металург претрпе уште еден пораз во Групата А од Лигата на Европа откако на гостувањето во Шпанија не успеа против Адемар Леон да најде игра за подобар резултат. Екипата на Адемар Леон дојде до триумф од 41:32.

Уште од почетокот на натпреварот стана јасно кој ќе победи денеска. Промените во стручниот штаб, долгиот пат со автобус до Шпанија си го сторија своето, па иако ова не може да биде алиби, сепак, е еден вовед за натпреварот.

Домашните рано го решија победникот на оваа средба. Наметнаа силно темпо кое постојано го засилуваа, па разликаа постојано растеше. Имаа 8:4 после десет минути, 11:5 само пет минути подоцна, а највисоки плус девет во првиот дел во 27 минута од натпреварот. Тогаш Адемар водеше со 19:10. Сепак, на одмор резултатот беше 20:13, но не даваше многу надежи за позитивен епилог.

Во продолжение од средбата домашните продолжија со играта која ја имаа во поголемиот дел од првото полувреме. Успеаја да стигнат до двоцифрена предност и тоа веќе во 33. минута од натпреварот. Тука веќе само стануваше уште појасно кој ќе победи.

Металург не успеваше да парира, па многу лесно примаше голови така што во 52. минута се дојде до резултат од 38:24. Овие плус 14 на осум минути до крај најавуваа тежок пораз за Металург. Сепак, тука следуваше серија од 4:0 за Металург и намалување на високата негатива.

До крајот остана негативата од десет гола, но во завршницата Металург ублажи уште малку и дојде до девет негатива. Конечните 41:32 во корист на Адемар, сепак, ги оставија бодовите во Шпанија, а Металург ќе може да се обиде пред своја публика за нешто повеќе.

Адемар ЛеонМЕТАЛУРГ 17 ноември 2020 41 - 32 Крај

Детали

Датум	Време	Лига	Сезона	Match Day	Крај
17 ноември 2020	22:21	ЛИГА ЕВРОПА A	2020/2021	17.11.2020	60'

Резултати

Екипа	1-во полувреме	2-ро полувреме	Резултат
Адемар Леон	20	41	Победа
МЕТАЛУРГ	13	32	Пораз

Адемар Леон

#	Играч	Позиција	Исклучување	Голови
2	Рубен Марчан Кријадо	пивот	1	8
4	Ервин Јан Фојхтман	лев бек	0	2
7	Антонио Суарез Дијаз	централен бек	0	3
8	Тин Луцин	централен бек	0	4
9	Педро Мартинез	централен бек	0	5
12	Ендру Лауренс Донлин	пивот	1	0
14	Милан Гостовиќ	десен бек	1	3
16	Дино Славиќ	голман	0	0
19	Гонзало Перез Арсе	десно крило	0	7
22	Калифа Гедбан	голман	0	0
23	Алекс Лодос Гарсија	лев бек	0	0
24	Антонио Мартинез	десно крило	0	1
28	Леандро Елиас Боргес Силва Семедо	лев бек	0	2
35	Матеуш Пиечковски	пивот	0	4
37	Олег Киселев	лев бек	0	2
85	Адриан Каскеро Лопез	лево крило	0	0
	Вкупно		3	41

МЕТАЛУРГ

#	Играч	Позиција	Исклучување	Голови
4	Александар Петковски	десен бек	0	0
5	Бранко Канкараш	пивот	0	4
6	Милан Поповиќ	лево крило	1	8
7	Дарио Кофилоски	лево крило	0	0
10	Даниел Дупјачанец	голман	0	0
13	Златко Хорват	десно крило	0	6
15	Маријан Мариќ	лев бек	0	0
17	Мартин Серафимов	десен бек	0	4
19	Милан Лазаревски	пивот	0	3
20	Даниел Ѓорѓески	голман	0	0
21	Михајло Младеновиќ	лев бек	0	0
26	Марко Тарабокија	централен бек	0	3
42	Момир Рниќ	лев бек	0	0
44	Стефан Додиќ	централен бек	0	3
55	Никола Потиќ	десен бек	0	1
64	Велко Маркоски	лев бек	1	0
	Вкупно		2	32