Екипата на Кошице за новата сезона создава тим кој ќе може да му парира на непобедливиот Татран Прешов во шампионатот на Словачка.
Клубот и официјално ги соопшти новите имиња за престојната сезона.
Во Кошице ќе пристигне ветеранот и екс репрезентативец на Словачка, Мартин Страновски од екипата на ПИК Сегед. Левото крило освен за унгарскиот првак настапуваше и за Нове Замки, Татран Прешов, Ерланген, како и за Барселона и Адемар Леон од Шпанија.
Покрај Страновски, Кошице ангажираше уште двајца ракометари. Тимот ќе биде комплетиран со репрезентативецот на Словачка, Патрик Хрушчак и искусниот голман, Михал Шејбал.