Екипата на Нант каде што настапува Кирил Лазаров забележа нова победа во првенството на Франција откако на гостувањето кај Шамбери во 17. коло славеше победа од 32:25.
Лазаров беше на теренот во вторите 30 минути и успеа да се запиште двапати во листата на стрелците. Најефикасен беше Валеро Ривера со 11 гола, а Емерик Мин постигна шест погодоци.
Во првите петнаесетина минути натпреварот беше израмнет, а во останатиот дел доминираше Нант. На полувреме тимот на Лазаров водеше 17:15, но во продолжението беше уште поубедлив и без проблеми запиша нови бодови.
Ова беше 13. победа на Нант сезонава со која се зацврстија на втората позиција со 27 бода зад водечкиот ПСЖ. Во следното коло Лазаров и соиграчите ќе гостуваат на екипата на Истр.
ПОВРЗАНИ ВЕСТИ
