Екипата на Хановер за која настапува репрезентативниот среден бек на Македонија, Филип Кузмановски имаше тешко гостување во 26. коло од Бундес лигата кај Рајн Некар и беше поразена со 28:33.
Филип Кузмановски имаше солидно издание на овој дуел, тој добро ја искористи шаната што му ја даде тренерот и постигна четири гола и имаше две асистенции. Кузмановски беше втор стрелец во својот тим зад Хансен кој имаше пет реализации.
Во поголемиот дел од првото полувреме Рајн Некар беше во водство, имаше предност од 5:2 и 7:4. Хановер успвеше да се врати, израмни на 10:10, а потоа и на 13:13, но сепак на полувреме замина со негатива од еден гол, 15:14.
Вториот дел, Рајн Некар го отвори со 3:0 и стекнатата предност лесно ја сочува до крај за конечен триумф. Со овој петти пораз по ред Хановер ја продолжи серијата лоши резултати, а во следното коло против Вецлар ќе се обиде да се врати на победите.