По слабиот пласман на Мундијалот, на кој Полска беше еден од домаќините, двајца репрезентативци најавија крај на кариерата во националниот тим.
Левото крило Пжемислав Крајевски, по 162 меча и 380 постигнати голови за Полска, реши да им отстапи своето место на помладите, а тоа значи дека вардарецот Јан Чувара ќе добие поголема шанса во репрезентацијата.
Крајевски во моментов е член на Висла Плоцк, а претходно настапуваше и за Азоти Пулави.
Левиот бек и одличен дефанзивец Томаш Гебала, исто така по СП најави простување од дресот со националниот грб и ќе се концентрира само на настапите за Келце.
Полска го освои 15 место на Мундијалот, па следуваше промена на селекторот Патрик Ромбел, кој ќе го замени Бартош Јурецки.