Репрезентативката на Македонија која настапува на позицијата среден бек, Стефани Софтовска пред почетокот на ЕХФ шампионатот на кој сме домаќини очекува убави натпревари, а вели дека атмосферата меѓу девојките е на виско ниво.
Иако немаше можност за долги подготовки односно тренинзите беа одработени во кратко време, а позитивното е тоа што сите се подготвени за да излезат на терен со максимум од можностите.
„Со оглед на тоа што сме максимално мотивирани, тоа влијае и на атмосферата, која е на високо ниво. Се подготвуваме, се мотивираме и се надеваме на успех на овој шампионат“, вели Софтовска за 24 Ракомет.
Во минатиот период ракометарките можеа да се запознаат и со стручниот штаб односно со тренерите со кои ќе треба да работат така што имаа можност да видат што ги очекува во соработката со Савевски, Црвенкоска, Станковски и Андрејева.
„Без разлика што стручниот штаб е прилично нов се обидовме да го задржиме нивото на работа. Подготовките беа прилично тешки, но ги поминавме без проблеми. Работиме, тренираме и ќе видиме како ќе биде на натпреварите, но очекуваме убави резултати“.
Првиот противник е селекцијата на БиХ со која Македонија се соочува вечерва.
„Очекувањата се високи, но не смееме да потцениме ниту еден противник. Се подготвуваме најдобро што можеме за секој ривал, па така и за БиХ. Ќе се подготвиме исто така и денеска за стартот и се надеваме на победа“, изјави Софтовска за 24 Ракомет.
Натпреварот против селекцијата на БиХ стартува со почеток во 20:30 часот, а ова е најава за дуел на кој доколку сè оди според планот, Македонија би требала да забележи победа.
