Поранешниот тренер на Вардар, Ким Расмусен, кој имаше кратка епизода во Скопје на клупата на ЖРК Вардар, е нов селектор на Црна Гора.
Данецот доаѓа на местото на Швеѓанецот Пер Јохансон, чиј договор беше раскинат на десет дена пред стартот на Европското првенство.
Расмусен во моментов е тренер на полскиот шампион Перла Лублин, но добил дозовола за истовремено да ги извршува двете функции.
Тој освои титула во Лигата на шампионите со тимот на ЧСМ Букурешт, а беше селектор на женските селекции на Полска и Унгарија.
Црна Гора е во групата A со Франција, Данска и Словенија.
