Најдобрата словенечка ракометарка Ана Грос, по 25 години активна играчка кариера, на крајот на оваа сезона замина во пензија.
Грос на најубав можен начин се прости од ракометот – со настап со Брест Бретањ на Ф4 во Лигата на шампионите, но и како членка на клубот „ТОП 1000“ – ракометарки што постигнале четирицифрен број на голови во најелитното европско клупско натпреварување.
Словенката стигна до 1009 голови што е доволно за петтото место. Пред неа се исто така ракометарки што веќе се во пензија – Неагу (1232), Радичевиќ (1181), Лекиќ (1073) и Горбиц (1016).
Поранешната словенечка репрезентативка потекнува од Олимпија, играше за Крим, Ѓер, Мец, ЦСКА Москва, Турингер, како и за францускиот Брест Бретањ во два наврати.
За националниот тим на Словенија настапи 159 пати и постигна 767 погодоци, а низ кариерата освои многу трофеи во првенствата со клубовите каде што играше, но има и титула во Лигата на шампионите со Ѓер.
____________________________________________________________________________________________________
Добивај директно вести на твојот мобилен телефон, приклучи се на Viber групата на семејството на 24ракомет. Со еден клик до сите ракометни вести.
_____________________________________________________________________________________________________
