Голманот на Порто, Алфредо Кинтана претрпе срцев удар на тренингот кој беше одржан денеска, па пред заминувањето за Белорусија екипата се најде во голем шок, а поради овој настан дојде до одлагање на средбата од Лигата на шампионите.
Натпреварот меѓу Мешков Брест и Порто нема да биде одигра в среда како што беше закажано така што овој дуел или ќе добие нов термин или нема да се игра.
На Кинтана му се слоши за време на денешниот тренинг и веднаш бил пренесен во болница во порто. Колегата на Никола Митревски е во лоша ситуација, а во моментов никој во клубот не е подготвен за заминување на натпревар. Оттаму ЕХФ реагираше и го одложи дуелот така што ривалите на Вардар најверојатно нема да го одиграат овој натпревар.
Кинтана во моментов е на интензивна нега и е во тешка состојба, но докторите се оптимисти дека ќе успее да ја добие оваа битка.
Шок за Митревски и соиграчите – голманот Кинтана доживеал срцев удар на тренинг!
