Исландскиот стратег Дагур Сигурдсон би можел да си замине од жешката селекторска клупа во Хрватска.
Според пишувањата на германскиот „Билд“, Сигурдсон има понуда од Бундес лигата и би можел да го преземе Фленсбург.
„Мислам дека станот во Задар на Сигурдсон наскоро ќе биде слободен, а ќе се всели во нов во Фленсбург. Слушнав дека Фленсбург го бара Дагур, а тој им рекол дека нема да ја донесе одлуката пред крајот на СП“, изјави некогашниот германски репрезентативец Мими Краус за „Билд“.
Фленсбург остана без тренер по отказот за Николај Крикау, а привремено решение е спортскиот директор Љубомир Врањеш.
