Екипата на ПИК Сегед е последниот учесник во четвртфиналето од Лигата на шампионите, откако на реваншот против ПСЖ одигра моќно и триумфираше со 35:25.
На првиот натпревар, кој беше одигран минатата недела, избраниците на Гонзалез триумфираа со еден гол разлика, 31:30.
Ова значи дека Унгарија ќе има два преставници во четвртфиналето, бидејќи покрај ПИК Сегед, пласман (директен) во четвртфиналето обезбеди Веспрем.
На гостите сè им одеше од раце, па дури и кога имаше два исклучени играчи, а еден од најзаслужните за победата беше Роланд Миклер. Искусниот голман бранеше кога беше најпотребно и натпреварот го заврши со 15 интервенции.
ПИК Сегед на полувреме имаше предност од 17:11 и фуриозно го започна вториот дел, па така за осум минути игра дојде до плус девет, 23:14. Гостинскиот состав не се опушти, ја зголеми разликата во последниот период и рутински го одработи финишот за место меѓу 8-те најдбори екипи во ЛШ.
Од осминафиналето пласман во четвртфиналето обезбедија и екипите Нант, Магдебург и Фуксе Берлин. Директно место во четвртфиналето се пласираа Барселона, Веспрем, Алборг и Спортинг Лисабон.
