Ракометарите на Охрид во рамки од 14. коло од Супер лигата на свој терен ќе се соочат со Прилеп, кој се бори за едно од местата кои водат во плеј-оф фазата.
Избраниците на Стевче Алушовски на првиот натпревар во Прилеп триумфираа со четири гола разлика, 30:26.
Младиот член на Охрид, Никола Шипинкоски, гледа со респект кон Прилеп, бидејќи станува збор за сериозен ривал.
,,Како за секој натпревар, така и за овој се подготвувавме максимално, бидејќи станува збор за сериозен ривал, кој се бори за плеј-оф. Победивме таму, сега ги очекуваме дома, очекувам да биде тешко и мора да се влезе со респект кон прилепчани, имаат неколку искусни играчи, а очекувам ние да ги освоиме двата бода”, изјави Шипинкоски.
Натпреварот меѓу Охрид и Прилеп ќе се одигра в сабота во спортската сала „Билјанини Извори“, со почеток од 18:30 часот.
