Македонската репрезентативка Сара Ристовска на 8 јули ќе ги започне подготовките за новата сезона со новиот клуб Рапид Букурешт.
Таа по пет сезони замина од ЦСКА Москва и ќе има друг предизвик во кариерата, а ќе се врати и во Лигата на шампионите по две сезони пауза.
Рапид Букурешт објави дека подготовките ќе стартуваат на 8 јули, ќе се тренира во главниот град на Романија.
Кон крајот на јули ќе биде одигран и првиот пријателски натпревар против Стинта Букурешт, а во август Рапид и македонската репрезентативка ќе играат на неколку пријателски турнири.
Иако најголем дел клубови ќе стартуваат дури кон крајот на јули со тренинзите поради Олимписките игри, романскиот клуб сепак одлучи поинаку.
ПОВРЗАНИ ВЕСТИ
