Предводничката на романскиот ЧСМ Букурешт, Хеле Томсен, ќе биде нова селекторка на женската репрезентација на Данска.
Таа доаѓа на местото на Јеспер Јенсен, кој ова лето заминува од селекторската функција и ќе го преземе унгарскиот Ференцварош.
Според ТВ2, потписот на договорот не е ставен, но 54-годишната Томсен и данската федерација веќе си подадоа рака.
Томсен на клупско ниво работеше во данскиот Икаст, па ЧСМ Букурешт, норвешкиот Молде, турскиот Кастамону, францускиот Нант, а минатото лето се врати во романскиот шампион.
Ги водеше и репрезентациите на Шведска и Холандија, со кои освои медали на големите натпреварувања, а сега ќе ја предводи и селекцијата од татковината.
Досега Данска ја водеа 14 мажи, а Томсен ќе биде првата дама што ќе ја води женската репрезентација.
