Новиот шампион на Португалија, Спортинг, полека го склопува тимот за новата натпреварувачка сезона, во која ќе учествува и во Лигата на шампионите.
Засега е познато заминувањето на четворица играчи од клубот. Станува збор за Едмилсон Араухо, Леонел Масиел, Еспен Ваг и Етиен Моке.
Левиот бек Араухо ќе се пресели во Франција и ќе го носи дресот на Истр, додека Масиел направи камбек во Шпанија и ќе биде дел од Бидасоа Ирун.
На последните двајца, пак, им завршува договорот и сѐ уште не е познат нивниот нов ангажман. Клубот од Лисабон последен пат во Лигата на шампионите играше во сезона 2019/10.
Со камбекот во европската елита, раководството на клубот ќе мора да ангажира и поквалитетни засилувања.
ПОВРЗАНИ ВЕСТИ
