Денеска низ Европа ќе се игра во неколку шампионати, а интересни дуели се очекува да има во Купот на Германија.

На програмата од 20:00 часот е натпреварот меѓу Кил и Магдебург, а победникот од овој дуел ќе обезбеди пласман во четвртфиналето во германскиот Куп.

Свој настап ќе имаат дел од македонските интернационалци – Сара Ристовска (Рапид), Сара Стефаноска, Јана Равојска (Јагодина), Мартин Поповски (Цирих), Ива Младеновска (Брест), Симона Маџовска (Цвикау), Михаил Иваноски (Дубочица)….

ДЕНЕСКА НА ТЕРЕНИТЕ:
14:00 ЧСМ – БАЈА МАРЕ (РОМАНИЈА)
15:30 КРОНОН – СКА МИНСК (БЕЛОРУСИЈА)
16:00 КРАЈОВА – ВАЛЧЕА (РОМАНИЈА)
16:30 РАПИД – ДУНАРЕА (РОМАНИЈА)
18:00 ЗАГРЕБ – ПОРЕЧ (ХРВАТСКА)
19:00 ЈАГОДИНА – НИШ (СРБИЈА)
19:00 ВАЛУР – ИБВ (ИСЛАНД)
19:00 ХАНОВЕР – ФЛЕНСБУРГ (ГЕРМАНИЈА)
19:00 ДУБОЧИЦА – МЕТАЛОПЛАСТИКА (СРБИЈА)
19:00 ЛУДВИГСБУРГ – ЦВИКАУ (БУНДЕС)
19:30 АЈЗЕНАХ – МЕЛСУНГЕН (ГЕРМАНИЈА)
19:30 КОБУРГ – ЛЕМГО (ГЕРМАНИЈА)
19:30 ЦИРИХ – ЗУР (ШВАЈЦАРИЈА)
20:00 КИЛ- МАГДЕБУРГ (ГЕРМАНИЈА)
20:00 БЕЗАНСОН – БРЕСТ (ФРАНЦИЈА)

Уште едно големо признание за квалитетот на најдобрата судиска двојка Славе Николов и Ѓорѓи Начевски.

Tие на барање на Азиската ракометна федерација и ИХФ, ќе судат на натпреварите од Лигата на шампионите во Азија што ќе се играат во Доха.

Ќе настапат девет екипи, поделени во две групи, а Ал Калеј од Саудиска Арабија ќе ја брани титулата освоена минатата сезона.

Уште пет учесници претходно освојувале титули во Азиската ЛШ, а тоа се катарскиот Ал Духаил, Казма од Кувајт, Ал Рајан од Катар и Ал Кувајт од Кувајт.

Натпреварите ќе се играат од 12 до 23 ноември, а победникот ќе обезбеди место на Светското клупско првенство во 2025 година.

Новиот стратег на Вардар, Гиљермо Милано, пристигна во Скопје и ќе го преземе кормилото на „црвено-црните“.

Тој имаше обврски со младинската и кадетската репрезентација на Аргентина на шампионатите на Средна и Јужна Америка пред да дојде во македонската престолнина.

Милано се „чекираше“ на социјалните мрежи од Скопје и своето деби би требало да го има веќе на дуелот со Струга од Супер лигата што ќе се игра в сабота.

Аргентинскиот стратег со младинците го освои златото на шампионатот во Средна и Јужна Америка, додека со кадетите играше во финалето и освои сребро.

По мечот со Струга од Супер лигата, за Вардар следува патување до далечниот Исланд и меч со Валур од Лигата на Европа.

Ракометната федерација на Македонија донесе одлука за последниот меч одигран меѓу Скопје и Гевгелија во рамките на Купот на Македонија. Дисциплинската комисија на македонската куќа на ракометот ги исфрли двете екипи од системот на натпреварување, дознава 24Ракомет.

Казна има и за одговорните лица во двата клуба. За ваквата одлука се известени и клубовите, а покрај исфрлувањето на сениорските екипи, сите останати селекции на Скопје и Гевгелија, ќе бидат исклучени од младинските конкуренции за сезоната 2024/25.

Веројатно утре РФМ ќе ја потврди одлуката и ќе објави детали за членовите според кои е донесена ваквата одлука. Дисциплинците на РФМ реагираа веднаш по скандалозниот натпревар одигран во саботата во Купот на Македонија, кој Гевгелија го доби против Скопје со 17-16, а ракометарките си постигнуваа автоголови, со цел да не победат.

Тоа значи дека во плеј-аутот на Женската лига, каде што требаше да играат Скопје и Гевгелија ќе останат само седум екипи, кои од декември ќе го стартуваат ова натпреварување, а двете екипи нема да го одиграат ниту последното коло од регуларниот дел.

Македонскиот репрезентативец Цветан Кузманоски останува верен на шампионот Еурофарм Пелистер.

Левото крило и македонскиот претставник во Лигата на шампионите се договорија за нова соработка до 2027 година.

Претходно битолчани ја продолжија соработката и со кружниот напаѓач Самоил Ристевски, кој исто така се обврза на договор до 2027 година.

Кузманоски потекнува од Струга, каде имаше одлични партии и го привлече вниманието на битолчани.

Левото крило го носи дресот на Еурофарм Пелистер од 2020 година.