Денеска започнува 4. коло од плеј-оф/аут фазата во Супер лигата, а дербито на денот ќе се одигра во Охрид. Избраниците на Стевче Алушовски ќе бидат домаќини на „сино-белите“ од Автокоманда, кои покрај езерото ќе атакуваат на втората победа во плеј-офот.
И Охрид ќе се бори за својот втор триумф, бидејќи во претходните две кола беше поразен од Еурофарм Пелистер и Вардар. Составот на Кире Лазаров во регуларниот дел од сезоната ги доби двата дуели со Охрид – дома славеше со 29:26, а на гости со 29:22.
Натпреварот во Охрид носи дополнителна тежина за двата тима, бидејќи секој бод може да биде клучен во битката за Eвропа. Тимот на Алушовски ќе се обиде да го искористи домашниот терен и да се врати на победничките патеки.
Пресметката меѓу Охрид и тимот од Автокоманда е закажан за 18:00 часот во СРЦ „Билјанини Извори“.
Освен во суперлигашката конкуренција, денеска ќе се одиграат и неколку натпревари од плеј-оф/аут фазата во Првата лига, а кај дамите се очекува да има неколку интересни дуели.
ДЕНЕСКА НА ТЕРЕНИТЕ:
17:00 ЃОРЧЕ ПЕТРОВ 2 – СПАРТАК (ЖЕНСКА ЛИГА)
17:00 СТРУЖАНКА – ПЕЛИСТЕР (ЖЕНСКА ЛИГА)
18:00 ОХРИД – АЛКАЛОИД (СУПЕР ЛИГА)
18:30 ПРОЛЕТ – КУМАНОВО (СУПЕР ЛИГА)
19:00 ДРАЧЕВО – ЈЕХОНА (ПРВА ЛИГА)
19:30 КУМАНОВО – МЕТАЛУРГ АВТОКОМАНДА (ЖЕНСКА ЛИГА)
20:00 АСТИБО – ЧАИР (ЖЕНСКА ЛИГА)
20:00 МАКЕДОНИЈА ЃП – ОВЧЕ ПОЛЕ (ПРВА ЛИГА)
20:30 АЕРОДРОМ – ПАРТИЗАН (ПРВА ЛИГА)
