Екипата на Преспа доби значајно засилување со враќањето на кружниот напаѓач Томче Трајчевски, кој зад себе има богато суперлигашко искуство.
Трајчевски потекнува од школата на Младост Ресен, а во досегашната кариера настапуваше и за Јуниор КВ, Прилеп и Радовиш.
Со искуството стекнато на домашните суперлигашки терени, Трајчевски ќе има важна улога во прволигашот од Ресен во новата сезона.
Кружниот напаѓач веќе играше на првиот меч од новата сезона против Текстилец и постигна четири погодоци.
