Денеска во центарот на вниманието ќе биде реванш средбата од баражот за СП 2027 година меѓу Македонија и Словачка.
Избраниците на Кирил Лазаров славеа на првата пресметка со Словаците со 31-24 и практично се пласираа на Мундијалот, но сигурно нема да препуштат ништо на случајот и ќе одат на нов триумф пред полна сала.
Македонија брка пласман на осмо СП по ред, односно десетто вкупно во репрезентативната историја и се наоѓа на милиметри до остварување на целта.
Натпреварот меѓу Македонија и Словачка се игра од 19:00 часот во СЦ „Борис Трајковски“, а забавата пред платото на салата почнува од 13:00 часот со „национален ден на ракометот“ – настан во кој ќе има забава за сите генерации.
Ќе се играат уште шест бараж средби, а најинтересно се очекува да биде на Унгарија – Србија, Полска – Австрија и Словенија – Црна Гора, но и на двобојот меѓу Холандија и Грција, каде нашиот јужен сосед носи два гола предност.
На домашна сцена, во Супер женската лига има две средби. Шампионот Ѓорче Петров гостува во Штип, додека Чаир оди на мегдан на Спартак во реприза од полуфиналето на Купот на Македонија. Ќе се игра и еден меч без резултатска важност во Првата машка лига.
ДЕНЕСКА НА ТЕРЕНИТЕ:
12:00 АСТИБО – ЃОРЧЕ ПЕТРОВ (СУПЕР ЖЕНСКА ЛИГА)
16:30 СПАРТАК – ЧАИР (СУПЕР ЖЕНСКА ЛИГА)
19:00 МАКЕДОНИЈА ЃП – ВАРДАР НЕГОТИНО (ПРВА МАШКА ЛИГА)
15:00 ВИБОРГ – ЕСТЕРГОМ (ЛИГА НА ЕВРОПА)
18:00 ТУРИНГЕР – ДИЖОН (ЛИГА НА ЕВРОПА)
16:00 ЈУВЕНТА МИХАЛОВЦЕ – ГУАРДЕС (ЕХФ ЕВРОПСКИ КУП)
15:00 ХОЛАНДИЈА – ГРЦИЈА (КВАЛИФИКАЦИИ ЗА СП)
15:00 ПОЛСКА – АВСТРИЈА (КВАЛИФИКАЦИИ ЗА СП)
17:00 ФРАНЦИЈА – ЧЕШКА (КВАЛИФИКАЦИИ ЗА СП)
17:00 СЛОВЕНИЈА – ЦРНА ГОРА (КВАЛИФИКАЦИИ ЗА СП)
17:30 УНГАРИЈА – СРБИЈА (КВАЛИФИКАЦИИ ЗА СП)
18:00 ИТАЛИЈА – ШВАЈЦАРИЈА (КВАЛИФИКАЦИИ ЗА СП)
19:00 МАКЕДОНИЈА – СЛОВАЧКА (КВАЛИФИКАЦИИ ЗА СП)
