Натпреварот од 9 коло во суперлигашкиот плеј-оф што може да реши која екипа ќе го освои второто место на крајот на сезоната, го доби својот термин.
Мечот меѓу Охрид и Еурофарм Пелистер е закажан за 20 мај од 19:00 часот во СРЦ „Билјанини Извори“ пред европските двобои на „гладијаторите“ со унгарската Татабања во финалето на ЕХФ Европскиот Куп.
На табелата, Oхрид е втор и има 50 бодови, додека Еурофарм Пелистер е во моментов на третото место со 48 бодови.
Во меѓусебните дуели оваа сезона Охрид има две победи со гол-разлика плус три, додека битолчани имаат една победа со шест гола разлика.
Охрид со победа или реми ќе биде сигурно втор, додека пелистерци мора да слават, но потоа и да го победат „сино-белиот“ тим од Автокоманда во последното коло.
Во последното 10 коло од плеј-офот, Охрид ќе игра со Тиквеш во Кавадарци, додека пелистерци ќе го пречекаат тимот од Автокоманда.
