Традицијата продолжува и екипата на 24Ракомет и годинава ви овозможува во секое коло да гласате за најдобрите ракометари по коло во пролетниот дел од сезоната.
На крајот од сезоната повторно ќе ја избереме иделната седморка, а во меѓувреме за секое коло ќе ви дадеме можност да го изберете најдобриот играч во идеалниот тим што го предлага тимот на 24Ракомет.
Ние ги одбравме најдобрите седум. Со помош на вашите гласови ќе го одбереме ракометарот кој ќе биде МВП на 5 коло од плеј-оф/аут во суперлигашката конкуренција.
Едноставно, гласајте за ракометарот за кој сметате дека бил меѓу најдобрите и го одбележал ова коло.
Meѓу номинираните за ова коло има двајца ракометари од Охрид и по еден ракометар од Еурофарм Пелистер, Вардар, Прилеп, Куманово и Струга.
За МВП на колото ќе можете да гласате до понеделник до 12 часот.
Супер лига, плеј-оф/аут 5. коло, резултати:
АЛКАЛОИД – ЕУРОФАРМ ПЕЛИСТЕР 33-35
ОХРИД – ТИКВЕШ 37-20
ВАРДАР – БУТЕЛ СКОПЈЕ 42-27
КУМАНОВО – ПРОЛЕТ 35-28
ПРИЛЕП – ЕУРОФАРМ ПЕЛИСТЕР 2 29-26
СТРУГА – РАДОВИШ 33-26
ИДЕАЛЕН ТИМ НА 5. КОЛО ОД ПЛЕЈ-ОФ/АУТ ВО СУПЕР МАШКАТА ЛИГА
Голман: Mилош Валах (Вардар) – Полскиот репрезентативец бранеше едно полувреме со Бутел Скопје и имаше одлично остварување.
Лево крило: Димитар Димитриоски (Прилеп) – Левото крило беше најдобар стрелец со осум погодоци против Еурофарм Пелистер 2.
Лев бек: Павле Атанасијевиќ (Еурофарм Пелистер) – Беше меѓу најдобрите во триумфот над „сино-белите“ во Автокоманда.
Среден бек: Филип Мечкароски (Струга) – Стружанецот погодуваше и асистираше во важната победа над Радовиш.
Десен бек: Давид Савревски (Охрид) – Десниот бек постигна шест гола во триумфот над кавадарчани.
Десно крило: Александар Стојков (Куманово) – Десното крило беше меѓу најдобрите во победата над Пролет.
Пивот: Николаос Лиапис (Охрид) – Кружниот напаѓач одигра одличен натпревар против Тиквеш.
