Македонската репрезентативка Ива Младеновска ќе има нов предизвик во кариерата по крајот на оваа сезона.
По една и пол сезона, десниот бек ќе си замине од тимот на Безансон, а претходно исто толку мина и во Брест Бретањ.
„Ви благодарам за поддршката што ми ја дававте во текот на моите настапи за Безансон. Имав неверојатно искуство што нема никогаш да го заборавам. Ви посакувам многу успех во иднина“, им се обрати Младеновска на фановите на францускиот клуб.
Таа беше дел од школите на Кастратовиќ и Алушовски, пред да се пресели во Металург.
Дебитираше за сениорската репрезентација во 2021 година, зад себе веќе има настапи на две големи натпреварувања – ЕП 2022 и ЕП 2024.
