Еден од најискусните ракометари во Пролет, Доне Мајнов, многу веројатно нема да настапува за клубот во пролетниот дел од сезоната.
Според информациите на 24Ракомет, 33-годишниот Мајнов ќе заврши со активното играње ракомет и ќе добие некоја функција во клубот.
Десниот бек комплетира една деценија во овој тим и му остана верен на Пролет десетина години, откако дојде од Металург Јуниор.
Претходно Пролет остана без Златко Даскаловски, Марко Мишевски, Никола Стоилевски, Марко Трајковски и Стефан Јовевски.
Клубот има одлична младинска екипа, па сигурно поголема шанса во пролетниот дел во сениорска конкуренција ќе добијат Костов, Дамчевски, Лешниковски, Ѓорчевски и останатите младинци.
Пролет сезонава ќе игра во битката за опстанок во Супер лигата, иако постојат теоретски шанси и за плеј-оф, но тешко дека тоа ќе се случи.
