Тимот на Самбр Авенуа, каде што игра македонската репрезентативка Јована Кипријановска, запиша триумф во францускиот шампионат.
Самбр Авенуа славеше на гостински терен кај Тулон со 32-29, откако на паузата беше нерешено, 14-14.
Кипријановска имаше важна улога во победата и успеа да постигне четири погодоци во домашната мрежа, а заработи и две исклучувања од две минути.
Самбр Авенуа сега има 21 бод, се наоѓа во безбедната зона, а следниот меч го игра на гостински терен кај Сен Аман.
