Тимот на Локомотива Загреб, каде што игра македонската репрезентативка Андреа Седлоска, запиша нова победа во хрватскиот шампионат.
Локомотива предводена од Седлоска, славеше на гостувањето кај Сплит со 28-21, иако на полувремето водеше само минимално.
Седлоска имаше одлична партија, особено во второто полувреме кога составот од Загреб ја градеше клучната предност.
Таа беше најдобар стрелец во победничкиот тим и постигна вкупно осум погодоци, од кои седум беа во вторите 30 минути.
Локомотива Загреб сега има 14 бодови и се наоѓа на третото место, а во следното коло му гостува на Бјеловар.
