Екипата на Раховец, кој е предводена од македонскиот стратег Горан Андоновски, а во која настапува кружниот напаѓач Стефан Атанасовски, ја продолжи победничката серија во домашниот шампионат.

Раховец во заостанатиот натпревар од 6. коло од најквалитетното натпреварување на Косово славеше убедливо против Вјоса на Илиja Трпевски и Обрен Фичуроски со 17 гола разлика, 38:21.

Со новите два бода, тимот предводен од Андоновски го зголеми бодовното салдо, сега има 14 бода, додека главните конкуренти на Раховец, Беса и Кастриоти, два пода помалку – 12.

За Раховец ваквите полесни натпревари со домашни екипи се проверка на силите пред големиот предизвик во Европскиот Куп.

На 23 ноември, Раховец во рамки од 3. коло од третото по ранг европско клупско натпреварување ќе биде домаќин на романската Баја Маре, а реванш дуелот ќе биде на 30 ноември во Романија.

Според информациите на „RTH Handball“, полскиот гигант Келце во своите редови го посакува репрезентативецот на Словенија, средниот бек Алекс Влах.

27-годишниот ракометар, кој  со одличните партии во Целје си обезбеди трансфер во Алборг во сезона 2023/24, се наоѓа пред потпис со тимот на Талант Душебаев.

Влах во Словенија, освен за Целје, настапуваше за Копер, додека на интернационално ниво беше дел и од најтрофејниот клуб од Хрватска – Загреб.

Словенечкиот репрезентативец минатата сезона во дресот на Алборг имаше импресивни партии во ЛШ, сезоната ја заврши со 59 гола, а со данскиот тим го освои второто место на Ф4 турнирот во Келн.

Освен Влах, во Келце од наредната сезона би требало да пристигне уште еден среден бек. Станува збор за членот на Гвардија Ополе, Пјотр Једрашчик.

Во германската ракометна јавност активно се дискутира на прашањето за наследникот на актуелниот селектор на машката репрезентација Алфред Гисласон.

Како што е познато, искусниот стратег од Исланд на кормилото на Германија ќе биде до 2027 годин, но уште од сега започнаа шпекулациите околу неговиот можен наследник.

Главен кандидат за наследник на Гисласон е актуелниот тренер на Магдебург, Бенет Вигерт, кој со бундеслигашот успеа да оствари импресивни резултати.

Најголемиот успех на Вигерт со Магдебург е освојувањето на титулата во Лигата на шампионите во сезона 2022/23, како и првото место во Лигата на Европа 2020/21, а тука се и златните медали освоени на Светското клупско првенство – 2021,2022 и 2023 година.

Вигерт со Магдебург ја освои Бундес лигата во сезона 2021/22 и 2023/24. Екс играчите и експерти како Стефан Кречмар и Паскал Хенс го поддржаа можното назначување на Вигерт за нов предводник на „панцирите“ од 2027.

По скандалозниот натпревар од Купот на Македонија меѓу Скопје и Гевгелија и одлуките на Дисциплинската Комисија на РФМ, се огласија и од Министерството за спорт.

Toa што го најави министерот за спорт, Борко Ристовски, веднаш по мечот меѓу Скопје и Гевгелија, денеска доби своја официјлизација, и на двата клуба им се поништени решенијата за дејност спорт.

„Во врска со последните случувања во ракометниот Куп на Македонија во женска конкуренција, по одигрувањето на Женската ракометна лига за сезоната 2024/2025 и појавата на неспортско однесување од страна на ЖРК Гевгелија и ЖРК Скопје на Куп натпреварот во групната фаза, Ракометната федерација на Македонија, по спроведена дисциплинска постапка, констатираше активности од страна на двете екипи кои се спротивни на начелото на фер-плеј, предизвикувајќи нарушување на спортскиот дух, спортскиот интегритет и витештво што е во целосна спротивност со Кодексот на ракометните клубови при РФМ и спротивно на Олимписката повелба.
Истото резултираше со исклучување на двете екипи од Ракометната федерација на Македонија и изрекување мерки на суспензија за повиканите официјални лица.
По изрекувањето на овие мерки од страна на РФМ, Министерството за спорт, во законска постапка, им ги поништи решенијата за дејност спорт на ЖРК Гевгелија и ЖРК Скопје со што тие повеќе немаат легитимитет да настапуваат во националниот систем на натпревари во македонскиот ракомет.
Министерството за спорт и Ракометната федерација на Македонија ја користат оваа прилика да упатат порака до сите спортски чинители да бидат одговорни на спортските борилишта што значи почитување на спортските правила кои се резултат на меѓународни консензуси во дејноста спорт и секогаш да бидат подготвени да го сочуваат спортскиот дигнитет, зашто преку спортот, како општо препознатлива вредност, покрај останатите придобивки, се претставува и афирмира македонскиот спорт во меѓународни рамки и се јакне националната свест“, се вели во соопштението.

Претходно Дисциплинската комисија на РФМ ги исфрли двете екипи од Женската лига, а покрај сениорските, ќе бидат исклучени и сите нивни екипи во младинските категории.

🎥 СКАНДАЛ во македонскиот Куп – си даваа автоголови, за да не победат!

🎥 Министерот Ристовски потврди – ќе им се одземат лиценците на Скопје и Гевгелија!

📸 Македонскиот ракомет стана сеир на Балканот!

24Ракомет дознава: РФМ ги исфрли Скопје и Гевгелија од лигата!

Две години суспензии за Радуловиќ, Треноска и Беќарова, казна и за делегатот на скандалозниот натпревар!

Поранешниот српски репрезентативец и екс ракометар на Вардар, Божидар Надовеза, ќе има нов тренерски предизвик во кариерата.

Тој е нов предводник на тимот на Црвенка, кој се натпреварува во Супер Б лигата на Србија, a тренерската смена доаѓа по трите порази.

Надовеза има 43 години и богата играчка кариера што освен во Србија, ја градеше и во Романија, Македонија, Босна и Херцеговина, како и во Шпанија.

На почетокот на кариерата играше за Југовиќ Каќ и Војводина, па Стеауа Букурешт, Босна Сараево, Бенфика, пред да дојде во Вардар. Во „црвено-црниот“ тим одигра една сезона кога Вардар во Купот на победниците на куповите стигна до полуфиналето во 2010/11 и играше против Гумерсбах.

Тогаш Надовеза беше меѓу најдобрите стрелци во Вардар и успеа да постигне 40 погодоци. После Македонија играше Црвена Ѕвезда и Војводина, како и за шпанската Хелветиа Анаитасуна, а тренерската кариера ја почна во Херцеговац.