И ние „деца“ за трка имаме – Ристевски со фантастично деби во елитата!

Младинскиот репрезентативец Самоил Ристевски вечерва дебитираше во најелитното европско клупско натпреварување.

Иако шампионот Еурофарм Пелистер загуби од Фуксе Берлин со 30-22, сепак овој меч ќе го памети засекогаш младиот кружен напаѓач.

Тој успеа да постигна три погодоци од три обиди и изнуди еден удар од седум метри, а мина кратко време на теренот.

Секој потег на младиот битолчанец беше бурно поздравен од трибините во „Боро Чурлевски“.

Следен предизвик за Ристевски и Еурофарм Пелистер ќе биде гостувањето кај романскиот првак Динамо Букурешт.