По Себастијан Хенеберг, тимот на Еурофарм Пелистер ќе го засили својот ростер со уште еден дански интернационалец. Станува збор за Каспер Кисум, кој доаѓа од составот на Сондерјиске.
Кисум има 30 години, настапува на позицијата лев бек и ќе биде опција плус за тренерот Ларс Валтер, кој не може да смета на Руди Сери, Мохамед Суси и Емилијан Ѓорговски на таа позиција.
Данецот потекнува од Рингстед, настапуваше и за Нордсјеланд, пред да се пресели во Бундес лигата во 2014 година. Во Германија мина три сезони во Фленсбург, Штутгарт и Хановер, а потоа заминува во Франција.
Таму го носеше дресот на Тулуз, од каде што се враќа во Данска и до лани настапуваше за Нордсјеланд четири сезони. Летото 2022 се пресели во Сондерјиске, од каде што по половина сезона доаѓа во Битола.
Еурофарм Пелистер го очекува продолжението на Лигата на Европа, а прв предизвик во 2023 година ќе биде гостувањето во Данска во вторник, каде што избраниците на Валтер ќе се сретнат со Скандерборг Архус.
ПОВРЗАНИ ВЕСТИ
