Финалето меѓу Франција и Данска е на програмата вечерва од 21 часот. Но, во данскиот табор искажаа незадоволство со терминот. Данците сметаат дека натпревар во овој термин е проблем многу деца да го следат финалето. Тие се повикуваат на тоа дека една цела група на население – децата ќе бидат исклучени да го гледаат финалето со одлуката на ИХФ (Светската ракометна Федерација).
Вистинска штета. Може да се надеваме дека на децата ќе им биде оставено уште малку да останат будни и јас имам мали деца, па знам дали ќе им биде дозволено да останат будни, изјави данскиот репрезентативец Мадс Менсах.
Со слично мислење е Расмус Лауге, кој смета дека гледањето натпревари на големите ракометни ѕвезди како Болдсен, Јепесен и Кристијансен придонело данскиот ракомет да биде во врвот во светскиот.
Тоа е нешто што создава соништа и амбиции. Мислам дека тоа е клучно. Ова е она што го гледате и во другите спортови. Тоа им создава амбиција на младите да ги видат нивните херои и идоли како се борат во финалето. Но, штета е што воопшто треба да се направи ваков избор и што не можете само да седнете и да гледате финале на СП, кое е најголемото што постои, заврши Лауге.
Тој сепак се надева дека на крајот на краиштата ќе има деца пред телевизиорите во недела навечер, но целосно разбира дали родителите ќе ги ставаат децата во кревет пред да почне натпреварот.
На светското првенство Данска одигра неколку натпревари во терминот од 20:30 часот. Одлуката финалето да се игра од 21 часот, е наводно донесена за да се задоволат француските телевизии со откупени ТВ права и француските гледачи.
ПОВРЗАНИ ВЕСТИ
