Со денешните четири натпревари во Лига на шампионите во машка конкуренција ќе се комплетира 5. коло. Голманот на репрезентацијата на Македонија, Никола Митревски со Порто на свој терен ќе го пречекаат незгодниот состав на ГОГ од Данска.
Тимот на Митревски на четири одиграни натпревари забележа четири порази и денес ќе ги бара првите бодови во новата сезона во Лига на шампионите, а данскиот тим на свое конто има еден пораз и едно реми и моментално е позициониран на 5. позиција на табелата во групата А.
Екипа на Целје во терминот од 18:45 часот ќе игра против полскиот шампион Келце, кој во досегашниот тек во најквалитетното европско натпреварување оствари три победи, додека избраниците на Алем Тоскиќ имаат една победа.
Екипата на Целје во претходното, 4. коло, беше убедливо поразена од Нант со 34:29 и на денешниот натпревар ќе се обиде да се претстави во добро светло и да го изненади полскиот гигант. Во истиот термин (18:45 часот) ќе играат Веспрем и освојувачот на Супер Глоуб турнирот, екипата на Магдебург, која ќе даде сѐ од себе за да дојде до четвртата победа во елитното европско натпреварување.
Интересно се очекува да биде и на дуелот меѓу Нант и Кил. Нант ќе биде значително ослабен со отсуството на Ејмерик Мин, но францускиот тим секогаш кога игра на домашен терен може да победи секого.
На македонска сцена ќе се одигра еден натпревар во рамки од Првата лига каде екипата на Бисинов ќе го пречека Мулти Есенс. Денес ќе се игра и во шампионатот на Франција, Германија, Русија, Израел, Шведска…
ДЕНЕСКА НА ТЕРЕНИТЕ:
11:30 ЛУЧ – ФЕНИКС (РУСИЈА)
15:30 ПЛОЦК – ЖЕЖУВ (ПОЛСКА)
17:30 БИСИНОВ – МУЛТИ ЕСЕНС (МАКЕДОНИЈА)
18:15 НОРВЕШКА – ХОЛАНДИЈА (ПРИЈАТЕЛСКИ)
18:30 БНЕИ ХЕРЦЛИЈА – ТЕЛ АВИВ (ИЗРАЕЛ)
18:45 ЦЕЛЈЕ – КЕЛЦЕ (ЛИГА НА ШАМПИОНИ)
18:45 ВЕСПРЕМ – МАГДЕБУРГ (ЛИГА НА ШАМПИОНИ)
19:00 ХАПОЕЛ КИРЈАТ – ХАПОЕЛ АШДОД (ИЗРАЕЛ)
19:00 АРАНАС – ХАЛБИ (ШВЕДСКА)
19:00 РЕДБЕРГСЛИДС – АЛИНГСАС (ШВЕДСКА)
19:05 ГЕПИНГЕН – ШТУТГАРТ (БУНДЕС ЛИГА)
19:05 ГУМЕРЗБАХ – МИНДЕН (БУНДЕС ЛИГА)
19:05 ВЕСТФАЛЕН – МЕЛСУНГЕН (БУНДЕС ЛИГА)
20:30 ТУЛУЗ- СЕЛЕСТАТ(ФРАНЦИЈА)
20:30 ДАНСКА – БРАЗИЛ (ПРИЈАТЕЛСКИ)
20:45 НАНТ – КИЛ (ЛИГА НА ШАМПИОНИ)
20:45 ПОРТО – ГОГ (ЛИГА НА ШАМПИОНИ)
ПОВРЗАНИ ВЕСТИ
