По Халил Јагањац, хрватскиот вицепрвак Нексе Нашице остана без уште еден од левите бекови пред стартот на новата сезона.
Словенечкиот интернационалец Саша Баришиќ-Јаман реши да ја заврши кариерата и се прости од Нексе на социјалните мрежи.
Баришиќ-Јаман во Нашице мина 15 сезони од кариерата и стана легенда на клубот кој лани играше на Ф4 во Лигата на Европа.
Левиот бек потекнува од клубот Добова, во татковината играше уште за Копер, а беше дел од австриските Линц и Леобен, како и хрватските Карловац и Вараждин, пред да дојде во Нексе.
Тимот од Нашице го очекува првиот официјален натпревар оваа сезона на гостувањето во Скопје кај Вардар во рамките на четвртфиналето од регионалната СЕХА лига.
ПОВРЗАНИ ВЕСТИ
