Вардар се мачеше 58 минути со Охрид – ама бодовите останаа во Скопје

Со одбраната на Борко Ристовски во 58 минута и голот од пенал на Дарко Ѓукиќ во следната минута, Вардар успеа да победи и да го скрши силниот отпор на Охрид во првото коло од плејофот во домашната лига. Црвено-црните победија со 28-26 (12-13) а гостите имаат за што да жалат против ослабениот и не целосно мотивиран тим на Вардар. За македонскиот тим ова се важни бодови во трката за титулата, особено што во плејофот тргнаа со позитива од пет бодови како резултат на првото место од регуларниот дел на сезоната.

Драма и неизвесност имаше во тек на целиот меч. Гостинскиот голман Брауновиќ во 56 минута го одбрани пеналот на Тимур Дибиров во моменти кога Вардар имаше водство од 26-25. Но, потоа немаше реализација па Вардар зголеми на 27-25 преку Оливие Њокас. Гостите веќе немаа сила, да се спротистават на темпото на Вардар.  Немаше ни време за пресврт.

Борко Ристовски одбрани клучна топка при резултат 27-25, а потоа во следниот напад Дарко Ѓукиќ реализираше пенал за водство од 28-25, што беше и првпат Вардар да има „плус 3 “ на натпреварот.

Средбата со Охрид за домашната екипа на Вардар требаше да биде генерална проба пред дуелот со Елверум во лигата на шампионите. Гостите покажаа дека не се дојдени да се предадат, и на полувреме имаа и предност од 13-12. Можеби изненадување, но тимот на Радослав Стојановиќ ги искористи сите шанси, а можеби малку во прилог одеше и тоа што црвено-црните не беа комплетни, што секако не ја намалува вредноста на водството на Охрид.

Домашната екипа настапи без Валчак, Чувара, Стоилов, Моралес, Мишевски, Карапалевски, Крстевски…За Вардар дебитираше Костадин Петров кој во 28 минута го постигна и својот првенец за македонскиот првак.

Голот првенец на Петров за Вардар

Иако тренерот Давид Дејвис не побара тајм аут во првиот дел, имаше сигурно добра прилика з атоа откако во 22 минута Охрид имаше водство од 9-6 преку контрата на Мице Шилегов. Но, само три минути му требаа на Вардар да направи пресврт и да израмни на 9-9. Потоа Стефан Додиќ поентираше за водство од 10-9, иако до крајот повторно Охид ги искористи грешките на Вардар и сопствените шанси да замине на одмор со „плус 1“ за водство од 13-12.

Следува пауза во домашното првенство поради одржување на Куп натпреварите и ЕХФ репрезентативната недела. Во следното второ коло од Супер лигата, на 27 февруари Вардар е домаќин на Еурофарм Пелистер, а Охрид е домаќин на Бутел.

ВАРДАР 1961ОХРИД 3 март 2022 28 - 26 Крај

Детали

Датум	Време	Лига	Сезона	Match Day	Крај
3 март 2022	18:10	ПЛЕЈ ОФ СУПЕРЛИГА	2021/2022	03.03.2022	60'

Место

СЦ „Јане Сандански“

Резултати

Екипа	1-во полувреме	2-ро полувреме	Резултат
ВАРДАР 1961	12	28	Победа
ОХРИД	13	26	Пораз

ВАРДАР 1961

#	Играч	Позиција	Исклучување	Голови
1	Борко Ристовски	голман	0	0
6	Оливие Њокас	лев бек	0	3
9	Гоце Георгиевски	десно крило	0	2
10	Кевин Њокас	десен бек	0	4
12	Мартин Томовски	голман	0	0
13	Дијало Бакари	лев бек	0	0
21	Давид Савревски	десен бек	1	0
22	Жереми Тото	пивот	1	6
28	Филип Талески	лев бек	0	1
31	Тимур Дибиров	лево крило	0	6
44	Стефан Додиќ	централен бек	0	3
45	Дарко Ѓукиќ	десно крило	0	2
77	Ален Ќосевски	десно крило	0	0
92	Костадин Петров	пивот	0	1
	Вкупно		2	28

ОХРИД

#	Играч	Позиција	Исклучување	Голови
1	Јагош Брауновиќ	голман	0	0
4	Крсте Андоновски	лево крило	0	0
6	Филип Кривокапиќ	централен бек	0	4
8	Наум Костов	десно крило	0	0
10	Филип Николов	десен бек	0	8
11	Мице Шилегов	десно крило	1	2
12	Христијан Ковачески	голман	0	0
13	Славчо Шулески	-	0	0
14	Михајло Младеновиќ	лев бек	1	3
19	Иван Тасески	пивот	0	2
21	Филип Грубор	-	0	4
24	Мартин Манасков	лев бек	1	1
34	Мартин Ивановски	централен бек	0	2
35	Николче Ристески	лево крило	0	0
	Вкупно		3	26

Officials

Судии:	Делегат:
КОЛЕВСКИ ЃОКО КРКАЧЕВ САШО	НАУМОВСКИ РУСЕ