Во главниот град на Унгарија, Будимпешта, беше отворена најголемата ракометна арена во која ќе се играат дел од натпреварите од Европското првенство 2022 година, како и завршниот турнир од Лигата на шампионите во женска конкуренција, кој традиционално се одржува во текот на месец мај.
Со вкупно 20.022 седишта, арената во Будимпешта е најголемата ракометна сала во Европа. Покривот е широк колку и Колосеумот во Рим, со највисок врв од 40,5 метри.
Во арената освен натпреварите од првата и главната фаза од Европското првенство 2022, ќе се одигра и големото финале. Бидејќи Унгарија заедно со Австрија и Швајцарија ќе биде ко-организатор на Европското првенство 2024 во женска конкуренција, беше одлучено натпреварите да бидат одиграни во новата арена во Будимпешта. Исто така, во 2027 година, во истата арена ќе се одржи и Светското првенство за жени.
Првиот официјален натпревар што ќе се одигра во оваа сала ќе биде оној меѓу репрезентациите на Унгарија и Холандија во рамките од Групата Б на ЕП.
ПОВРЗАНИ ВЕСТИ
