Ракометната федерација на Македонија испрати соопштение до сите ракометните клубови, дека по препораките на Владата и Министерството за здравство се стопираат сите ракометните активности во следните 14 дена.
Тоа значи дека натпреварите од Суперлигата, Женската лига и Првата лига нема да се играат во следните две седмици.
Почитувани,
Ве известуваме дека Раководството на Ракометната федерација на Македонија донесе одлука за прекин во период од 14 дена на Националното ракометно првенство во Супер и Прва машка ракометна лига како и натпреварите од Женската ракометна лига.
Одлуката е донесена по последните препораки и забрани од страна на Министерството за здравство за превенција од вирусот COVID – 19, како и препораките на Светската здравствена организација за заштита на здравјето и безбедноста, кои опфаќаат забрана на сите јавни и приватни собири, без разлика на обемот и бројката на учесници – концерти, театри, кина, спортски сали, теретани.
Дополнително согласно препораките и забраните од Владата на Република Северна Македонија за превенција од вирусот COVID – 19 , Ракометната Федерација на Македонија донесе претходно одлука со која сите натпревари во младите категории се одложуваат во период од 14 дена.
Со почит,
Ракометна Федерација на Македонија
ПОВРЗАНИ ВЕСТИ
