Дисциплинската комисија на ЕХФ одлучи да му изрече ригорозна казна на турскиот женски клуб Ардесен кој се откажа од настапите во Челинџ купот. Ардесен заработи парична казна и суспензија.
Откако се пријавија за настап за настап оваа сезона и учествуваа во ждрепката турскиот тим се предомисли и не настапи, а бидејќи го зафати местото на друга екипа во натпреварувањето, ЕХФ отвори случај кој го разгледуваше дисциплинската комисија.
Според правилата на ЕХФ и листата на казни на Ардесен му е изречена парична казна од 12 илјади евра, а исто така турскиот клуб е суспендиран на една година од сите европски натпреварувања вклучувајќи натпреварувања и квалификации.
Според рангирањето Ардесен требаше да се приклучи во осминафиналето, но тие одлучиле да не настапуваат. Клубот има рок од седум дена да поднесе жалба до дисциплинската комисија на ЕХФ.
ПОВРЗАНИ ВЕСТИ
