Селекторот на Данска, Николај Јакобсен, го објави скратениот список од 18 ракометари пред последните квалификациски средби за Европското првенство во 2022 година во Унгарија и Словачка.
Со оглед на тоа што Данска веќе обезбеди место на континенталниот собир, Јакобсен ќе ги одмори дел од ѕвездите.
Против Швајцарија и Финска нема да играат Никлас Ландин, Микел Хансен, Хенрик Мелгард и Ласе Сван, Ханс Линдберг…
Дебитанти ќе бидат бековите Арон Менсинг од Холстебро, Мадс Хангард од Морс и Јакоб Ласен од Силкеборг.
Данска на 29 април гостува на Швајцарија, додека на 2 мај ќе игра дома со Финска. Македонија ќе се соочи со истите ривали, но по обратен редослед. Ако Данците си дозволат луксуз и загубат во Швајцарија, нашата репрезентација со две победи би можела да го освои првото место во групата.
ПОВРЗАНИ ВЕСТИ
