Во 14. коло од Бундес лигата екипата на Штутгарт каде што настапува репрезентативниот пикер Жарко Пешевски имаше тежок меч против Кил, а на домашен терен претрпе пораз од 27:34.
Бранителот на титулата во првенството Кил, имаше убава предност уште на полувреме кога водеше со 19:14.
Првите десет минути поминаа во израмнета игра, но од 6:6 во следните минути Кил ја презеде контролата на мечот и стигна до пет предност како што беше и на полувреме.
Во продолжението Штутгарт успеа да се врати во игра и да намали на минус еден во 49. минута на 24:25, но ракометарите немаа сили да го изненадат фаворитот.
Жарко Пешевски не успеа да се запише во листата на стрелци, а имаше едно исклучување од две минути. Со овој триумф Кил се искачи на врвот на табелата, додека Штутгарт е на 8. место.
ПОВРЗАНИ ВЕСТИ
