Црногорски двометраш од „втора“ во Струга

Иако беше на проба за време на струшкиот турнир минатото лето, тогаш црногорскиот интернационалец Самид Мекиќ не потпиша договор со тимот на Струга.

Сепак тоа се случи од втор обид и Мекиќ во продолжение од сезоната ќе ги брани боите на овој тим.

Мекиќ има 21 година и одлични физички предиспозиции (205/87), а пред да дојде во Струга беше дел од чешкиот тим Нове Весели.

Потекнува од составот на Рудар Плевља, а покрај во Чешка, играше и во хрватскиот клуб Пореч.

Мекиќ би требало да биде голем адут на Струга во обидот да се задржи суперлигашкиот статус и за следната сезона.