Тимот на Македонија Ѓорче Петров полека го склопува играчкиот кадар со кој ќе настапува претстојната сезона во прволигашката конкуренција.
„Дробилицата“, која ќе биде предводена од тренерот Оливер Димитриоски, ги обнови договорите со шестмина ракометари.
Голманите Давид Стојкоски и Димитар Гиевски ставија потписи на нови договори, а во клубот остануваат и Давор Домика, Мартин Бучуковски и Дарко Рангелов.
Ол-стар левото крило од кадетскиот ЕХФ шампионат во Рига во 2021 година, Михаил Тотиќ, исто така ќе го носи дресот на Македонија Ѓорче Петров наредната сезона.
Сите ракометари потпишаа договори до 2028 година.
