Капитенот на македонската репрезентација, Сара Ристовска, го одигра првиот официјален натпревар по камбекот на ракометните терени.
По одличните настапи на пријателските средби, Ристовска одигра во ист стил и во првото коло од романскиот шампионат.
Таа беше најдобар стрелец во составот на Рапид Букурешт на градското дерби кое ЧСМ Букурешт го доби со 28-25.
Ристовска даде седум гола од девет обиди, а нејзиниот тим имаше контрола на теренот во најголем дел од мечот, а водеше и со четири погодоци.
Но во клучните моменти попушти и на крајот во црногорската битка на Бојана Поповиќ и Драган Аџиќ на двете клупи, славеше дамата.
