Нигерискиот репрезентативец Фарук Јусуф, кој настапи на Светското првенство за кадети во Македонија минатата година, потпиша договор на пет сезони со полскиот шампион Келце.
16-годишниот десен бек кој беше меѓу најдобрите стрелци на Мундијалот, беше посакуван од неколку македонски екипи, и потпиша договор ланското лето со Бутел Скопје.
Тој трансфер сепак не се реализираше и Јусуф не се врати во Македонија.
„Јусуф ќе треба да ги помине лекарските прегледи, па дури потоа договорот ќе стапи на сила. Во Келце, тој ќе тренира со првиот тим, а клубот исто така ќе се грижи за неговото образование. Се радувам што ќе му дадеме шанса на ова момче да се развива. Верувам во него и верувам дека со Талант Душебаев, тој ќе прерасне во одличен играч“, вели претседателот на Келце, Бертус Сервас.
Покрај Јусуф, на десната бековска позиција во Келце ќе играат и Алекс Душебаев и Бранко Вујовиќ, како и ветеранот Лијевски, кој ќе ја игра последната сезона во кариерата.
ПОВРЗАНИ ВЕСТИ
