СТРУГА 2020: Битолчани се бореа до крај, но Бутел Скопје го собра цел плен

Ракометарите на Бутел Скопје ја остварија првата победа на Струшкиот турнир, откако вечерва славеа над Еурофарм Пелистер 2 со 21-17. Иако скопјани водеа убедливо, му дадоа шанса на ривалот да се врати во игра, која не беше до крај искористена.

По десет минути игра беше 3-3, пред момците на Кристијан Грчевски да поведат со 5-3, па 6-4, а беше и 7-5. Имаа бутелци шанси и за плус три, но не ги искористија, па битолчани намалија на 7-6.

Во последните десетина минути од првиот дел, битолските ракометари комплетно потфрлија и му дозволија на ривалот, кој како и вчера така и денес играше со комбиниран состав, да се одлепи на 11-6 и да замине на пауза со пет позитива.

Во вториот дел беше 15-10, но тогаш избраниците на Александар Јовиќ заиграа посериозно, ги казнуваа грешките на Бутел и намалија на 15-13 во 42. минута, па Грчевски реагираше со тајм-аут.

Битолчани беа во налет и израмнија на 15-15, но немаа сили за комплетен пресврт. Бутел поведе со 17-15, а на пет минути до крајот беше 18-16. Скопјани зголемија на 19-16 и до крајот немаше дилеми околу победникот.

48. РАКОМЕТЕН ТУРНИР СТРУГА 2020
РЕЗУЛТАТИ И ИЗВЕШТАИ ОД ПРВ ДЕН

СТРУГА – ПРИЛЕП 28:32 (ИЗВЕШТАЈ)
БУТЕЛ СКОПЈЕ – ОХРИД 24:25 (ИЗВЕШТАЈ/ГАЛЕРИЈА)
ЕУРОФАРМ ПЕЛИСТЕР – МЕТАЛУРГ 24:22 (ИЗВЕШТАЈ/ГАЛЕРИЈА)

ЧЕТВРТОК, 13 АВГУСТ

БУТЕЛ СКОПЈЕ – ЕУРОФАРМ ПЕЛИСТЕР 2 21-17
19:15ч МЕТАЛУРГ – ПРИЛЕП
21:15ч ВАРДАР – ОХРИД

ПЕТОК, 14 АВГУСТ

17:15ч СТРУГА – МЕТАЛУРГ
19:15ч ЕУРОФАРМ ПЕЛИСТЕР – ПРИЛЕП
21:15ч ВАРДАР – ЕУРОФАРМ ПЕЛИСТЕР 2

САБОТА, 15 АВГУСТ

17:15ч ОХРИД – ЕУРОФАРМ ПЕЛИСТЕР 2
19:15ч СТРУГА – ЕУРОФАРМ ПЕЛИСТЕР
21:15ч ВАРДАР – БУТЕЛ СКОПЈЕ

НЕДЕЛА, 16 АВГУСТ

10:00ч НАТПРЕВАР ЗА 7. МЕСТО
17:15ч НАТПРЕВАР ЗА 5. МЕСТО
19:15ч НАТПРЕВАР ЗА 3. МЕСТО
21:15ч ФИНАЛЕ