СТРУГА 2020: Прилеп убедлив против домаќинот, победничко тренерско деби на Кузманоски

Ракометарите на Прилеп со победа го стартуваа настапот на 48. издание на традиционалниот Струшки турнир.

Избраниците на Горан Кузманоски триумфираа над домаќинот Струга со 28-32. Прилепчани отворија со предност од 2-6, стружани со серија од три погодоци намалија на 5-6 по 15 минути игра на отвореното игралиште „Горан Попоски Бабец“.

Прилеп го одржуваше водството од два до четири голови во целото прво полувреме, а кога Струга се доближи на 13-15, следуваа два пенали за гостите кои ги реализираа за 13-17. Сепак во последните секунди од слободен удар погоди десниот бек Лакичевиќ за 14-17.

Стружани беа „тука некаде“ до 40. минута, но по 19-21, гостите со серија погодоци зголемија на 19-25. На пет минути до крајот домашните намалија на 27-30, но немаше време за некаков пресврт и Прилеп искусно ја сочува предноста за конечни 28-32.

Во вториот натпревар од оваа група ќе се сретнат екипите на Металург и Еурофарм Пелистер од 21:15 часот.

48. РАКОМЕТЕН ТУРНИР СТРУГА 2020
РАСПОРЕД НА НАТПРЕВАРИТЕ

СРЕДА, 12 АВГУСТ

СТРУГА – ПРИЛЕП 28-32
18:40ч СВЕЧЕНО ОТВОРАЊЕ
19:15ч БУТЕЛ СКОПЈЕ – ОХРИД
21:15ч ЕУРОФАРМ ПЕЛИСТЕР – МЕТАЛУРГ

ЧЕТВРТОК, 13 АВГУСТ

17:15ч БУТЕЛ СКОПЈЕ – ЕУРОФАРМ ПЕЛИСТЕР 2
19:15ч МЕТАЛУРГ – ПРИЛЕП
21:15ч ВАРДАР – ОХРИД

ПЕТОК, 14 АВГУСТ

17:15ч СТРУГА – МЕТАЛУРГ
19:15ч ЕУРОФАРМ ПЕЛИСТЕР – ПРИЛЕП
21:15ч ВАРДАР – ЕУРОФАРМ ПЕЛИСТЕР 2

САБОТА, 15 АВГУСТ

17:15ч ОХРИД – ЕУРОФАРМ ПЕЛИСТЕР 2
19:15ч СТРУГА – ЕУРОФАРМ ПЕЛИСТЕР
21:15ч ВАРДАР – БУТЕЛ СКОПЈЕ

НЕДЕЛА, 16 АВГУСТ

10:00ч НАТПРЕВАР ЗА 7. МЕСТО
17:15ч НАТПРЕВАР ЗА 5. МЕСТО
19:15ч НАТПРЕВАР ЗА 3. МЕСТО
21:15ч ФИНАЛЕ