Познати шеширите пред ждрепката за групите на Олимписки игри

По комплетирањето на квалификациските турнири во женска конкуренција за пласман на Олимписките игри во Токио, Светската ракометна федерација ги објави шеширите за претстојната ждрепка.

На женскиот турнир од претходно беа пласирани светскиот првак Холандија, домаќинот Јапонија, европскиот првак Франција, азискиот шампион Кореја, африканскиот Ангола, како и првакот на Средна и Јужна Америка, Бразил.

По завршувањето на трите квалификациски турнири, место на ОИ обезбедија уште Унгарија, Русија, Црна Гора, Норвешка, Шпанија и Шведска.

Олимписки игри, жени:

шешир 1: Холандија, Шпанија
шешир 2: Русија, Црна Гора
шешир 3: Норвешка, Унгарија
шешир 4: Шведска, Јапонија
шешир 5: Франција, Кореја
шешир 6: Ангола, Бразил

Кај мажите од претходно беа пласирани светскиот првак Данска, домаќинот Јапонија, азискиот првак Бахреин, африканскиот шампион Египет, европскиот првак Шпанија, како и шампионот на Средна и Јужна Америка, Аргентина.

По завршувањето на трите квалификациски турнир, место на ОИ обезбедија уште Норвешка, Бразил, Франција, Португалија, Шведска и Германија.

Олимписки игри, мажи:

шешир 1: Данска, Норвешка
шешир 2: Франција, Шведска
шешир 3: Германија, Португалија
шешир 4: Бразил, Јапонија
шешир 5: Шпанија, Египет
шешир 6: Аргентина, Бахреин

Олимписките игри ќе се одржат од 24 јули до 8 август, а терминот за ждрепката за групите ќе биде познат наскоро.