Оливие Њокас пред трансфер во Олимпијакос!

Според информациите на грчкиот весник „Гаврос“, поранешниот член на Вардар, Оливие Њокас, кој игра на позицијата лев бек, ќе биде најновото засилување во грчкиот шампион, Олимпијакос.

За Оливие Њокас, како и за неговиот брат близнак, Кевин Њокас, се поврзуваа и со други екипи, но најверојатно Оливие својата кариера ќе ја продолжи во Грција, додека новата дестинација на Кевин сѐ уште не е позната.

Раководството на Олимпијакос има големи амбиции за следната сезона бидејќи ќе учествува во второто по ранг квалитетно европско натпреварување – Лига на Европа, но главната цел на клубот ќе биде одбрана на националната титула.

Пред извесен период Олимпијакос го ангажираше репрезентативецот на Австрија, Роберт Вебер, кој, моментално, е член на клубот од втората Бундес лига, Нордхорн Линген. За следниот период најавени сѐ уште неколку квалитетни засилувања.