Репрезентативецот на Македонија, кој од следната сезона ќе биде на голот на Вардар, Мартин Томовски вторпат сезонава се најде во тимот на колото во Бундес лигата.
Томовски е голман број 1 во 32. коло од Бундес лигата со што само потврдува дека на секој нов натпревар е во сè подобра форма.
Викендот тимот на Лудвигсхафен забележа важна победа против Балинген и продолжува со трката за опстанок. Улогата на Томовски и понатаму е голема за неговиот тим.
Инаку, Томовски се наоѓа во одлично друштво. Во тимот на колото се и најдобриот Норвежанец Сандер Сагосен, како и главниот мотор во играта на Шведска, Јим Готфридсон.
ПОВРЗАНИ ВЕСТИ
