Еден од најталентираните ракометари од Швајцарија, Нико Егиман и во следниот период ќе продолжи да се натпреварува во домашното првенство на Швајцарија.
Средниот бек на Берн кој има 19 години го продолжи договорот со клубот до 2024 година, а претходниот договор му беше со важност до 2021 година.
Минатата сезона Егиман имаше одлични настапи во дресот на Берн и покажа дека е огромен потенцијал. Тој беше номиниран за најдобар млад играч за 2020 година, а веќе беше и на поширокиот список на репрезентацијата.
Задоволството од продолжувањето на соработката го истакнаа и двете страни. Егиман смета дека Берн е вистинскиот клуб за негово напредување и развој на кариерата.
Швајцарците имаат фантастичен среден бек во Енди Шмид, а со оглед на телентот и истата позиција на која игра Егиман се очекува тој да биде негов наследник, а секако има од кого да учи.
ПОВРЗАНИ ВЕСТИ
