Вчера вечер Украина го ограничи својот воздушен простор, аеродромот во Запорожје беше затворен поради потенцијална опасност за цивилната авијација. Во земјата е прогласена вонредна ситуација поради воената операција на Русија.
Според веб страницата „FlightRadar24“ летот со ракометарите и стручниот штаб на Мотор бил единствениот цивилен авион во украинскиот воздушен простор во изминатата ноќ. Авионот кружел над Запорожје, а потоа бил пренасочен кон Киев.
Од клубот се уште нема потврда дали слетале во главниот град на Украина, пренесува Ројтерс.
Треба да се спомене дека аеродромите се затворени и во другите поголеми градови во Украина. Русија исто така делумно го затвори воздушниот простор на југот на земјата во близина на границата ос Украина.
ПОВРЗАНИ ВЕСТИ
